اسمعك

موضوع: اسمعك الأربعاء أكتوبر 14, 2009 7:01 am

اسمعك كمل كلامك بعد احبك ايش قلت ..
تحسب اني يوم اطالع غيرك اني مااسمعك..
لا وربي مااتنهد مااتصدد ماثقلت...
اسمعك واشوف غيرك واحمد الله اني معك..

انت اللي طول عمري ماعرفت ولا جهلت..
ضيف نفسي لين ربي في فؤادي ربعك..
جيتني مثل الجنون .. يوم فارقتك عقلت..
وهاك شفني بعت عقلي ..جيت بجنون اتبعك..

وين افارق حبك اللي لا تركته له وصلت..
وين اجمع نفسي اللي لا نثرتك تجمعك..
كيف ابطلع من غرامك وانت في قلبي نزلت..
وكيف ابنزل دون قلب(ن) حالف(ن) له يطلعك..

اسئلة واجد لو انك واحدن منها سألت ..
كان ماتعبت نفسك وانت تفرك بااصبعك..
ايه احبك بس كمل بعد احبك ايش قلت..
المهم ان طال صمتي.. ادري اني اسمعك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

[b]