التجاره شطاره وعبد الحي اكبر خساره..

المقدمه :

اليوم بكتب لكم موضوع غير عن كل المواضيع اللي كتبها قبل < مدري احس كذا

فأن رديتوا علي زين وان مارديتوا فحيل الله اقوى



صوره مع التحيه لي انا كاتبه الموضوع
صوره مع التحيه لكل شاب \هـ مصري\هـ يفطر ويمسي على فول
صوره مع التحيه للمشرف اللي بينقل موضوعي للمميزه حيث انه نمط جديد على العيارين < تكفين بس ودكم من يجدعه بالمصاله

اول شي العشر عليكم مباركه يا رب وكل عام وانتم بخير قبل الزحمه وتقطيع اللحمه ولاتنسونا من الرجل والظهر ..




الموضوع :


::اخذتي ملابس شتويه ؟؟ ترا هناك موب زي هنا هناك بردد من قلب بردهم شين يدخل بالعظم ولا يطلع حتى لو مدغتي عمرتس بفكس.. وانتبهي من العياال مهوب كل يوم تمشين لي مع واحد ومهوب يوم سمحنا لتس تسافرين بلحالتس تقومين تخورين الدنيا وتفسد اخلاقتس كلش ولا هالشي وخذي معتس الجبن السايل ترا هناك ماهنا قوله ادق على مطعم بنص الليل والله بطلب لي اكل مالتس الا خبز ونواشف والجبن سيد النواشف .

:: يا ربييه يا كثر هذرتس يمه خلاص بسوي اللي تبين بس انتي خفي علي ارحميني .
واخيراا واخيرا بفارقهم وافتك من خششهم اخيرا جا اليوم الموعود اللي بترك السعوديه وبطير لامريكا اخيرا بدرس بجامعات مختلطه وبشوف العيون الزرق والشعر الاشقر وامشي وشعري يشم الهواء والبس لبس على كيف كيفي .

طن طن طن طن
:: النداء الاخير للمسافرين على متن الرحله رقم 501 المتوجهه الى امريكا التوجه الى البوابه, وامي اللي من سمعت هالكلام قامت تخمخمني هي وباقي اهلي وفعصو فيني لين قلت ربي الله وانا قابلتهم بالمثل و ودعت اهلي بالدموع (دموع التماسيح ) ابي الفكة .







وطبعا حالي زي اي حاله فتاه سعوديه اول ماتركب الطياره شيلي العباه وارميها بأقصى قريح واذا وصلت اقعد ادور فيها لين القاها وصدق كنت مصحصحه ومفتحه عيوني باللبن قالوا تبين وسكي ولا بلاك قلت ايه لاقيني انتم تبوني اخذ بلاك واشوف الدنيا بلاك لا ياعيني انت واياه هات وسكي بلكي اشوف الدنيا ريد .
وبعد 13 ساعه وصلت وكلمت اهلي وبشرتهم وتحمدوا لي بالسلامه وقفلت جوالي وهي القفله ..


وانا ماشيه من المطار للسكن شفت اشياء عظيمه لم ارها في حياتي قط شفت اشياء خضرا ويوم سالت السواق What is this? رد علي وبكل تعجب This tree !! وانا بكل عجب وعلامه استفهام فوق راسي really؟ فقال لي Didn’t you see trees in your life ever? حسيت انه بهذيك اللحظه بادي يتظنز علي وجرح مشاعري حيث انناماعندنا هالزين بس طنشته



واخيرا بعد هاك المشوار مع السواق وصلت سكن الجامعه وطبعا ماعجبني واخذت لي سكن خاص وقالوا لي لاتدفعين الحين ادفعي بعد شهر وطبعا وافقت .. ومع مرور الايام وانا رايحه وانا راجعه لاحظت وجود شخص يراقبني ويلاحقني من قرنه لقرنه من حاره لحاره ومن طاعون لطاعون ويوم لفيت راسي لقيته انسان عربي جثه وشكله كان يشرب حلبه وقمت ابحلق فيه لين اكتشفت انه انسان ينتمي الى الفراعنه اييه نعم انه انسان مصري ومير اني الف وجهي وابدا اهرول وبيني وبين نفسي اقول وش طاعونه ذا درى اني سعووديه قام يلاحقني يبي يشحذ الله ابوكم ماكفايه معذبينا بالشرق حتى هنا بالغرب لاحقينا وهو يلاحقني الف يمين يلف معي الف يسار يلف معي وين ما اروح يروح معي طقت تسبدي منه وكذا على هالحال كل يوم لين جا الوقت اللي لفيت عليه وصقعته بكم كلمه يحبها قلبك
:: انت ماتستحي ماعندك خوات بس صاير طردي وراي انت وريحتك الي تجيب المرض وش تبي مني فلوس ماعندي ياخي فكني وجع.
:: أييه مالك بتزعأي علي كدا يا بت انا موش عايز فلوس انا عايزك انتي انا معقب بيكي انا عايز اتقوزك.
:: زوجوك تكرونيه بليله مافيها نور قمر ان شاء الله اخر عمري اتزوج مصري وراه قايلين لك شجون الهاجري تبيني اصوم اصوم وافطر على بصله وراه انعميت انا يوم اني بتزوجك وبعدين ضاقت يعني مالقيت الا انا ..
:: يا بنتي ماتستهينيش فيا انا لو حصل لك اي حاقه حتلئيني اودامك حعملك اللي انتي عيزاه بس انتي سدأئيني انا موش من النوع النصاب اللي فكراه ده .
اسمع عاد علمن ياصلك ويتعداك ان شفتك تلاحقني مره ثانيه لاتلوم الا نفسك .. وانا اللي القيه ظهري وامشي
ولكن لا حياه لمن تنادي الرجال مصمم يلحقني فقررت اني اطنشه وما احسب له اي اعتبار ..








وقرب يوم تسديد اجار السكن حقي وجا صاحب السكن وطلب مني فلوسه ورحت اجيب له فلوسه من الخزنه بس صعقت بان كل فلوسي واوراقي وجوازي وحتى جوالي مسروق فرحت اقول لصاحب السكن بس هو ماش ماصدقني وطردني من سكنه المخيس اللي يبي له سمكره هو وصاحبه ابو خشم منعوج والجامعه من عرفت ماصدقت خبر وكملت الناقص طردتني هي بعد وصرت من بنات الشوارع اللي مالهم اهل وانا اللي اقوم وانسدح انسداحه بزر يحل الواجب واحط راسي على الرصيف وابتسي وابتسي وابتسي ليين حسيت بيد على كتفي وانا اللي ارفع راسي واشوفه بعيوني اللي كلها دموع الا ويطلع لي المصري .. وانا الي ابتسي زود .. وش تبي يا الفاهر جاي تتشمت فيني وهو اللي يقول :ماتعيطييش .. هو ايه اللي حصل؟
وانا اللي اقوم واقص له واقول له اللي صار معي..
:: ماتخفيش انا حأعوضك عن كول ده انتي سيبك من الهم وتعالي معايه انا عندي اوضتين وصاله انا حنام بأوضه وانتي بأوضه .. وكمان حأعمل لك عربيه نبيع فيه انا واياكي فول
:: فووول ..!!!
:: ايون فوول ومالك مستغربه ؟ ده حتى واللهي الناس هنا بحتب الفول والمشروع ده انا درسوه كويس ده مشروع ناجح بأزن الله
:: خل نجرب وش خسرانين حنا .. الا انت وش اسمك
:: عبد الحي حضرتك

وفعلا المصري ماقصر معي المصري ولد المصريه<ريح صنان سوا لي كوشك كنه كوشك حق المصاريه بياعين الكوشري بس الفرق اللهم هم يبيعون كوشري وحنا نبيع فوول وحطينا قدام الكوشك طاولتين وكم كرسي بوسط الشارع عن قوله ماحطينا وهالمصري المروح كان يعرف يطبخ الفول ووش الفول اللي كان يطبخه اشي بالسمنه واشي بالزبده واشي بالبهار واشي مطحون واشي بحبوبه والشهاده لله كان فوله يصك الراس لا واذا جاك معها كاس شاهي تلقيمه كملت .. وصدق اللي قال من اكل فول 40 يوما صار حلواًً وانا وهالمصري ماغير نكسب من ورا هالحلوين اللي يجونا كل يوم يفطرون ويتعشون عندنا .. كانوا الزباين يطلبون الطلبات والصبي حقي ينفذها بس على شكل اغاني :



يا حلاوه الفول

فول فول فول فول يا حلاوة الفول يا طعامة الفول

الفول عجمية يا رجالة بالهنا والشفا للآكاله

عبد الحى

حاضر جاى

أهلا أهلا ليلة ألسطة

عندك ايه اقرا لنا اللستة

فول بالزبدة السايحة .. غيره

فول بالسمنة النايحة .. غيره

فول بالزيت الحار .. غيره

فول بأحباش وبهار .. غيره

فول بالطيب ... هات بالطيب



هات لنا واحد فول لتلاتة ووصى عليه الحاج شحاته

رص الفولة جنب الفولة وحط التانية قبل الأولى

واتمزمزهم بلمون بلدى وتهندسهم فشر الدندى

وترش الكمون والشطة

على عينى وعلى راسى يا بطة



عندك فول لتلاتة بالزيت واللموناته

اطلب لنا حزمة مستردة

حزمة فجل وراور طازة

والميه تكون ساقعة وبارده

تلج شفشق للاستاذه



الفول عجمية يا رجالة بالهنا والشفا للآكاله

عجمية ايه روح اتملح الفول ده اسمنت مسلح

اخى على الفول جته داهية الفول


قبل ما تاكلوا انسوا شكله

ده خروف متحمر على الهينة

يتقطع من غير سكينة

بقى ده معقول بقى ده معقول .. انت خروف ؟؟

ايوه خروف .. بحلق شوف

أيوه خروف وابن خروف

اهجم قطع فرتك مزع ازلط ابلع

يا سلام على الفخدة يا سلام على الكبده

والموزة الناعمة ده لذيذة وطعمة

اسمعونى يا جماعة السعادة فى القناعة

فليحيا الفول وطعام الفول وجمال الفول

يا حلاوة الفول يا طعامة الفول

يا حلاوة الفول

ابد وحنا على هالحال ليل ونهار ماغير نغني ونطبخ.. ومع الوقت حبيته وحبني ووش ابشركم فيه جاب لي جوال اي فون هو للامانه قايل لي تبين هيرو ولا ايفون قلت هيروا < نواكب التطور .. قال مستعمل قلت كل تبن اجل جب لي اي فون جديد ويوم جابه لي دقيت على اهلي وعلمتهم بكل اللي صار ومن كلامي عنه حبوه وشجعوا المصري وشكروه وعلمتهم انه اخونا بالله ناوي يخطبني فقالوا اهلي ابد ما عندكم مشكلة دامه راعي جميلة ووقف معك هالوقفة فاكيد انه رجال ينشرى واعرسنا على بعض وكان مدلعني مايخليني اجيب كاس المويه حتى وكل مابغيت اسوي شي او افتح الخزنه كودي اجيب لي منها غرض قال:: لاه محدش يعمل الحاجه ده غيري كان طموحه يخليني استانس وما اتعب بحياتي وكان طموحي اطلع انا واياه ونمسك يدين بعض ونروح نشتري لنا دفايات زيت < طراه ان الشتاء قرب واني بديت اعاطس ..




وهكذا الين جا اليوم اللي كنت بجيب من الخزنه شي وهو كان بالحمام فقلت لنفسي قومي يا بنت قومي فزي جيبيه انتي مهوب ضارتس يعني لو مره بحياتس قمتي وجبتي شي من الخزنه بعدين انتي حافظه رقمها ولا عمرتس شفتي وش داخلها يلا هذي فرصه العمر تشوفين وش فيها وش مافيها ..
ومير اني اوقووم واروح لم الخزنه وانا اللي افتحها ومير تبق عيوني وتطلع من مكانها وترجع وانا اللي تمتلي عيوني دموع وش هذا وش هاللي اشوفه قدامي لهدجه عبد الحي حقير لهدرجه هو واطي وسافل ومنحط وانا اللي مخدوعه فيه ولاعبن فيني ماخذ بعقلي حلاوه هو وكشكه المخيس انا اوريك انا تسوي فيني كذا يا الخسيس يا احقر عباد الله بس الشرهه موب علييه الشرهه علي انا اللي وثقت بواحد زيه ولا فيه احد بالعالم يثق بواحد مصري يقول انه موب ناوي يشحذ ..

::عبد الحيي.. عبد الحي وصمرقع يا الهيس رد
:: اييه مالك يا حبيبتشي ماالك بتزعئي كدا ليه..؟
:: يا حقيييير يا الصتيمه لاقيني انت؟ لاقيني يا زلابه يومك تسرق جوازي وفلوسي وجوالي وكل شي تحسبني زلابتن مثلك لا ولاعبن علي بكم حبه فول ومسوي لي فيها انا اللذي مدلع زوجتي ومابيها تكرف اثره عشان ما اكشفك يا حقير انا تسوي فيني كذا ياللي ماتستحي على وجهك لكن هين ما اقول الا الحمممممممد لله ان العصمه بيدي والحمد لله اني ماجبت منك عيال اتوهق فيهم بس هين انا اورييك يا ولد المصريه




انت طالق طالق طاالق ..



(النهايه) :

رجعت لاهلي ونفسيتي دمار اكيد لاني صرت امرأه مطلقه وانتم عارفين نظره الناس لهالشي كيف
بس لولا الله ثم هالفول كان رجعت فقيره منتفه ما اسوى قرش فعلا الكشك على انه صغير الا انه يطلع شي كبير كافي انه يطلع اشياء تخلي الناس زي الغول هههههههههه


وصدق المغني والفنان الكبير الشيخ ايمام يوم قام يغني اغنيته الشهيره الفول واللحمه ويقول


عن موضوع الفول واللحمة
صرح مصدر ال مسئول
ان الطب اتقدم جدا
والدكتور محسن بيقول
ان الشعب المصري خصوصا
من مصلحته يقرقش فول
حيث الفول المصري عموما
يجعل من بني ادم غول
تاكل فخدة في ربع زكيبة
والدكتور محسن مسؤول
يديك طاقه وقوه غريبه
تسمن جدا تبقي مهول
لحمه نباتي ولا في العادي
تاكل قدره تعيش مسطول

ثم اضاف الدكتور محسن
ان اللحم دي سم اكيد
بتزود اوجاع المعدة
وتعود على طولة الايد
وتنيم بنى ادم اكتر
وتفرقع منه المواعيد
واللي بياكلوا اللحمة عموما
حيخشوا ...... ده اكيد

يا دكتور محسن يا مزقلط
يا مصدر يا غير مسئول
حيث ان انتوا غول العالم
والعالم محتاج لغول
ما راي جنابك وجنابهم
في واحد مجنون بيقول
احنا سيبونا نموت باللحمة
وانتوا تعيشوا وتاكلوا الفول

ما رايك يا كابتن محسن
مش بالذمة كلام معقول !!








مايستفاد :
- لا تثق بأحد ماتعرفه بسرعه خاصه لو كان مصري ..!
- الكشك يطلع ذهب
- الفول يطير العقول
- بعض بناتنا لا طلعوا للخارج فلوا امها إلا ما ندر منهم .. حنا نظلم عيالنا واثر بناتنا مثلهم .. ومثل مايقولون ما اخس من قديد إلا عسفان